الناس دى عندها الفيروس ؟؟
الاجابه : لا
دا معناه ان الناس فى حاله ذعر وهلع حيث يتردد الناس على المستشفيات للاتطمئنان على أنفسهم من الاصابه بفيروس كورونا
هل دلوقتى لو أنا حسيت بأعراض كورونا .. أروح المستشفى ؟؟
الاجابه الصحيحه والغير متوقعه : لا
ليه .. ؟
لان المستشفى أكتر من أكتر الاماكن الموبوءه والتى يطوف حولها الفيروس بها وبجميع القطاع الطبى بالمستشفيات ..
يعنى انت ممكن تروح المستشفى سليم تتطمن على نفسك تخرج منها حامل المرض ومصاب بفيروس كورونا
هذا الكلام ليس للتخويف نهائيا ..!
يلعب الجانب النفسى بعض الأمور فى هذه الحاله وسأوضح لك كيف .. ؟
لو خدت دش وخرجت وقفت قدام المروحه ولا قدر الله استهويت دا مش معناه انك تشك انها كورونا ..؟
لو خطيبك زعلك وأثر على الجانب النفسى بتاعك وحصلك شويه ضيق تنسف وروحتى أخدتى انبوبه أكسجين ..؟
دا مش معناه انها كورونا وانك تقلقى أهلك عليكى
المستشفيات أخطر الأماكن فى هذا الوقت ..!
طيب ي دكتور .. أعمل اى علشان اتطمن على نفسى ..؟
اتخذ كل اجراءات الوقايه التى سيتم سردها عليك بالتفصيل ..
ولا تخلط الأمور..!
دور الانفلونزا العادى وفيروس كورونا متشابهان فى الاعراض ..!
طيب ازاى افرق بينهم يا دكتور ..؟
أعراض الكورونا بالتفصيل الممل ..
1- ان درجه الحراره بتاعتك تكون عاليه جدا ولوقت كبير جدا
2- جسمك يكون مرهق ومتكسر ومتدغدغ بشكل كبير
3- احتقان فى الزور شديد
4- كحه ناشفه غير مصحوبه ببلغم
5- ضيق فى التنفس شديد جدا جدا غير مسبوق
6- واحد من أعراض الجهاز الهضمى مثل وجع المعده او القئ
ودى اشهر الأعراض الى بتميز فيروس كورونا عن دور البرد العادى والى انت محتاج وقتها انك تروح المستشفى عشان تطمن على نفسك ..!
طيب أعمل اى لو جالى دور برد عادى وشاكك وخايف شويه ..؟
1- تاخد العلاج تمام
2- تعد فى البيت + تستريح
3- حجر صحى مع نفسك
4- عدم مشاركه الاهل ومخالتطهم فى المنزل او مخالطه الادوات نهائيا
5- مراعاه المسافه بينك وبين الناس
بمعنى أخر : تعايش فى وسواس قهرى انك مريض حتى لو مكنتش مريض وذلك لتوخى الحذر وحمايه باقى الأسره ..!
طيب لو اتضطريت انك تروح المستشفى هنصحك بعض النصائح الالزاميه عشان دى أخطر مرحله ..؟
اشياء لا يمكن الاستغناء عنها نهائيا بتاتا
1- الماسك
2- الجلافز
3- المعقم
انتبه على نفسك وخلى بينك وبين الطواقم الطبيه واطقم التمريض مسافه اجتماعيه ..!
يعنى متروحش تدخل فى بوء الدكتور وتقوله يا دكتور انا حاسس ببعض الأعراض ؟؟ لااااااااااااا
خلى باك وخلى فى شويه وعى بعد اذنك ..
طيب انا بقولك متجيش المستشفى معنى كدا انك تشتم فى المستشفيات .. ؟
فى الحقيقه : لا
احنا معروف ان مستشفياتنا فى مصر وبعض الدول الاخرى محدوده لانها قليله نسبيا وبتخدم نطاق كبير
فتخيل فى وسط هذه الظروف انت بتمر بوباء عالمى اجتاح العالم أجمع بدون توقف ..
فى اشهر البلدان
أشهر المدن
وانضف المستشفيات
أغنى الدول وأكثرها تطورا وتقدما
..انتبه على نفسك وعلى صحتك واسرتك واعمل على اتخاذ كافه الاجراءات الوقائيه ولا تذهب الى المستشفى الا للضروره القصوى ..
تعليقات
إرسال تعليق